THINGLIAN STOP DIARRHOEA

PHED Serchhip

Dated: 7th August 2024 (Nilai ni) hian Thinglian WATSAN Committee leh 5 Women (FTK) te chuan Stop Diarrhoea Campaign 2024 pualin Tui kawng endik leh pipe leak siam that hnatlang an neih bakah an khaw tui tlan hnar ah kalin Tui sample la in an test a. An tui tlan chu mihring ei in atan a la him tawk tih an chian a ni.

5 Women FTK kan tih hian Thinglian khua a nu tlawmngai panga (5) thlanchhuah, tui quality test thiam tura Field Testing Kit (FTK) hman dan training lo pek tawh te kha an ni.

5 Women FTK te hi khaw tinah panga (5) zel awmin. Kawthalo natna umbo kawngah hian an kutah mipui te hriselna a innghat thui hle dawn a ni.

Tin, WATSAN Committee Tui kawng endik leh pipe leak siamthat hnatlang a chhuak te pawn hian harsatna em em tawk lovin hmun thumah pipe leak leh lo tuiek chhia te an siam a ni.