WORLD WATER DAY 2024 KOLASIB AH HMANG
Project Management Unit (PMU) leh Public Health engineering Department, Kolasib bul tumin Dt.22nd March 2024 (Zirtawpni) hian hian World Water Day Programme “INREMNAN TUI” tih thupui hmangin hman a ni a, zingkarah Kolasib DC Office-ah innghakkhawmin kawng zawhna WORLD WATER DAY pual hian hman a ni bawk.
He hun hi Er. Lalrosangi Sr. EE PHED Kolasib in kaihruaiin Pu John LT Sanga, Deputy Commissioner chuan Khuallian niin he hun hi a hmanpui a ni. Khuallian chuan thusawiin Tui hlutna leh pawimawhna hrang hrangte, kan tui renchem a tul thute leh tui telloa minhring kan awmtheih loh avanga renchem leh hnianghnar taka kan neih theihnana hmalak a tulzia te a sawi a, hetiang hmalakna kawnga Kolasib Head of Department te, NGO’s hrang hrangte tanrual a ngaihzia thu te a sawi a, hetiang program PHED ten an buatsaih chu lawmawm a tih thu a sawi bawk.
He hun pawimawh takah hian Kolasib District chhunga Department Head zawng zawngte an tel bakah Sub- Headquarters YMA huam chhunga Branch tin aiawh te, MUP, MHIP leh MJA te an tel a, WATSAN tihtha lawmman semna neih a nih bakah, WORLD WATER DAY 2024 pual inelna buatsaih Kolasib town Branch YMA futsal tournament lawmman semna neih nghal a ni bawk.
