SERCHHIP-AH WORLD WATER DAY 2024 HMANG

PHED Serchhip

Project Management Unit (PMU) Mizoram leh Public Health Engineering Department, Serchhip bul tumin Ni 22nd March, 2024 (Zirtawp Ni) hian World Water Day Programme “INREMNAN TUI” tih thupui hmangin hman a ni.

He hun hi Er. Isaac Lalchhuanmawia, Sr. EE PHED Serchhip in kaihruaiin Pu James Lalnithanga, Addl. Deputy Commissioner chuan Khuallian niin he hun hi a hmanpui a ni. Khuallian chuan thusawiin Tui hlutna leh pawimawhna hrang hrangte, kan tui renchem a \ul thute leh a thianghlim leh thianghlimloh dan te ngun zawk a mitin ten kan zir chian a pawimawh thu te a sawi a, hetiang program PHED ten an buatsaih chu lawmawm a tih thu a sawi bawk.

Pu R. Kawlthuama, President Sub Headquarter YMA pawhin thusawina hun hmangin mitin ten tui kan neih te renchem taka kan enkawl a, a tihpunna kawngah pawh kan phak ang tawk a kan thawh a \ul thu a sawi a, Mizo te chu Lo nei thin kan nih thu te, kan Lo neih dan leh ram kan tih chereu dan phungte tun aia hma kan sawn a \ul thu te, ram kang veng zawng a hma kan lak a tul zia te kalkhawmte hnenah a sawi bawk.

Er. HL Thangvuta, SDO PHED chuan World Water Day Introductory Speech neiin khawvel ram zau zawk leh India ram chhung ngeiah pawh kan lui hnar hrang hrangte leh tui kan hmuhna hrang hrangten kiam lam a pan zel thu a sawi a, World Water Day programme hmang tu zawng zawngte he hun kan tawn ve lohna tur a \an la sauh sauh turin a fuih bawk.

World Water Day pual hian Inremnan Tui tih Thupui hmangin Slogan (English leh Mizo Category) leh Short Documentry/Reels Competition siam niin lawman semna hun Pu Samuel Lallawmzuala, District Coordinator in nei zuiin WATSAN Competition Tuihna Humhalh |ha tih thupui hmanga lawman latu Chhuanthar Tlangnuam, Vanchengte leh E. Lungdar WATSAN te hnenah a hlan bawk.

Er. Samuel LR Ralte Sr.SDO PHED in lawmthu sawina hun hmangin World Water Day lawmna inkhawm hi khar zui a ni.

He hunah hian Department Head te sawm an nih angin Sr. Executive Engineer- PWD, District Agriculture Officer, District Horticulture Officer, Principal Govt. Serchhip College leh District AH& Vety Officer te rawn telin MJA Serchhip atangin President leh member te rawn telin, Serchhip Sub-Headquarters YMA Zaipawl te mawi takin an zai bawk a ni.