ONE DAY TRAINING ON WATER & SANITATION FOR VILLAGE FUNCTIONARIES PROGRAMME HMAN A NI

PHED Serchhip

Vawiin Ni 14.3.2024 (Ninga Ni) khan E. Lungdar RD Block huam chhunga Rural Village WATSAN Committee te tan Tui leh Thianghlimna chungchangah One Day Training neih ani a, He Seminar hi Pu Samuel Lallawmzuala, District Coordinator in kaihruaiin Er. Lalthanzuali, Project Manager in Khuallian niin he Training hi a hmanpui a ni.  Khuallian Er. Lalthanzuali chuan he hun a kalkhawmte lawmna thu sawiin SBM(G) Phase-II, ODF Plus leh JJM nihna tlangpui sawifiahin Source Sustainability & Catchment Area Protection Topic hmangin training a kalte zirtirna  a nei zui nghal bawk.

            Pu Lalchhuangliana, Coordinator PMU in Jal Jeevan Mission hna thawhdan leh enkawl zui dan tur te sawi zuiin khawtlang tana mi pawimawh tak tak kalkhawmte hnenah kan mawhphurhna pawimawh zia leh keimahni tana thawk zel tur kan nih zia te, tuna sawrkarin JJM kal tlanga tui connection min pek zawng zawng te kan kuta hlan a nih vek tur thu leh keimahni leh keimahni in enkawl zui tur kan nih thu te sawiin ngaihtuahna fim zawk a kan hma lam hun thlir chunga ruahmanna tha neih a pawimawh zia thu te kalkhawmte hnenah hian a chah a ni.

Pi Thanghmingliani, Chemist hnen atang Water Quality Monitoring chungchang inzirtirna ngaihthlak niin kan tui in tur uluk a ngaih zia thu te, a tam thei ang test neih a that thu te leh a taka hman zui kawngah tan la thar turin kalkhawmte a chah bawk.

            Pu Samuel Lallawmzuala, District Coordinator in WATSAN pawimawhna leh mawhphurhna kawng hrang hrang sawiin khawtlang innghahna tak tak an nih thu leh thahnemngai taka thawk turin kal khawmte a chah a,15th FC chungchangah zirtirna nei chhunzawm in hemi hnuai a hnathawh tur hrang hrang te leh a thawh dan kalhmang te a sawifiah a, Sawrkar Laipuiin faina leh thianghlimna a ngaipawimawh zia thu te leh chumi a tan a 15th  FC ah pawh sum tam zawk hman a ngaihdan te a sawi.

            Pu Laldingliana Chhangte, DEO in Naupang Fai Duh Pawl (NFDP) inkaihhruaina sawi hawng in khaw tinah WATSAN kaihhruaina hnuaia lo din vek turin a sawm a, Pu Lalmawizuala, IEC Coordinator in Booklet, NFDP Badge, etc te semna hun neiin Chairmanin he Training hi a khar zui a ni.

            He Seminar ah hian beisei angin E. Lungdar RD Block Rural Village atangin WATSAN Chairman (VCP), WATSAN Secretary te leh Swachhagrahi te an kal tha hle a ni.