ONE DAY TRAINING ON WATER & SANITATION FOR VILLAGE FUNCTIONARIES SERCHHIP RD BLOCK HUAM CHHUNGA KHUA TE TAN HMAN A NI.

PHED Serchhip

Vawiin Ni 16.2.2024 (Zirtawp Ni) khan Serchhip RD Block huam chhunga Rural Village WATSAN Committee te tan Tui leh Thianghlimna chungchangah One Day Training neih ani a, He Training hi Er. Isaac Lalchhuanmawia, Sr. EE in kaihruaiin kal khawmte lawmna thu leh hlawk taka Training hmang turin duhsakna a hlan a, Topic pawimawh tak Source Sustainability & Catchment Area Protection chungchang zirtirna ngainawm tak pe zuiin Tui thianghlim kan neih zel theina tur atan tan la sauh sauh turin kalkhawmte a fuih a ni.

            Pu Lalchhuangliana, Coordinator PMU in Jal Jeevan Mission hna thawhdan leh enkawl zui dan tur te sawi zuiin khawtlang tana mi pawimawh tak tak kalkhawmte hnenah kan mawhphurhna pawimawh zia leh keimahni tana thawk zel tur kan nih zia te, tuna sawrkarin JJM kal tlanga tui connection min pek zawng zawng te kan kuta hlan a nih vek tur thu leh keimahni leh keimahni in enkawl zui tur kan nih thu te sawiin ngaihtuahna fim zawk a kan hma lam hun thlir chunga ruahmanna tha neih a pawimawh zia thu te kalkhawmte hnenah hian a chah a ni.

            Pi Gracy L Tochhawng, Coordinator PMU in SBM(G) Phase-II, ODF Plus leh JJM nihna awmzia tlangpui sawi bawk in Pu Samuel Lalhriatrenga, Technical Manager-District Lalboratory hnen atang Water Quality Monitoring chungchang ngaihthlak a ni bawk.

            Er. PB Lalnunsanga, SDO in kal khawm WATSAN memberte hnenah WATSAN pawimawhna leh mawhphurhna kawng hrang hrang sawiin khawtlang innghahna tak tak an nih thu leh thahnemngai taka thawk turin kal khawmte a chah bawk.

            Pu Samuel Lallawmzuala, District Coordinator in 15 FC chungchangah zirtirna nei chhunzawm in hemi hnuai a hnathawh tur hrang hrang te leh a thawh dan kalhmang te a sawifiah a, Sawrkarlaipui in faina leh thianghlimna a ngaipawimawh zia thu te leh chumi a tan a 15 FC ah pawh sum tam zawk hman a ngaihdan te a sawi a, kalkhawmte atang a an hriatfiah loh zawhna te in hrilhfiah in he Training hi lawmthu sawina in a khar zui a ni.

He Training ah hian Serchhip RD Block Rural Village atangin WATSAN Chairman (VCP), WATSAN Secretary te leh Swachhagrahi te an kal tha hle a ni.