3rd NATIONAL WATER AWARD 2020 (PAKHATNA) LAWMNA HUN HMANG

PHED Serchhip

Date 14.12.2023 (Thursday) khan 3rd National Water Award 2020 (North East Zone) lawmman dawngtu Sialsir khua te chuan an lawmman dawn lawmna programme ropui takin Community Hall, Sialsir ah khawtlang huap in an hmang a, he hun hi Pu Vanlalrema, VCP (Chairman WATSAN committee) chuan kaihruaiin, khuallianah Er. H. Duhkima, Director Project Management Unit hman niin, khuallian chuan National Award la tu Sialsir khuate a lawmpui thu te, National Water Award a ropuina leh hlutna te sawiin Department tan pawh mellung pawimawh tak a nih thu te a sawi a, nunna min petu tui hlutna hre thar deuh deuh tur leh thahnemngai taka hma an lo lak tawhna te vawng nung a chhunzawm zel turin a chah a ni.

Er. PB Lalnunsanga, SDO, PHED East Lungdar Sub Division hnen atangin Sialsir khuaiin a tui hnianghnar zawk an neih theihna tura Department ina hma alo lak tawhna hrang hrang Technical report ngaithlak a ni.
Pu Samuel Lallawmzuala, District Coordinator Serchhip hnen atang Award an dawn theih a tur a hmalakna kawng hrang hrang te leh lawmman dawn a nih dan report ngaihthlak a ni bawk.

He Award lawmna inkhawmah hi Er. Isaac Lalchhuanmawia, E.E. PHED Serchhip pawhin thusawina hun a hmangin, khaw hrang hrang atanga khawtlang hruaitu sawm bikten he hun hi hmanpuiin, tlai lamah ruai ropui tak an kil ho a ni.

National Water Award hi India ram puma khua te inelna a ni a, Zone hrang hrangah then a niin. Mizoram hi North East Zone a dah niin Hmarchhak state hrang hrang karah he lawmman hi kum 2019 khan Leng khua ten lo la tawh in heng khaw hnih te hi Mizoram atanga he lawmman dawng thei awmchhun an ni. He lawmman hian Momento, Certificate leh ₹ 2,00,000 a keng tel a ni.