SERCHHIPAH SWACHH BHARAT MISSIONS (GRAMEEN) LEH JAL JEEVAN MISSIONS REVIEW MEETING NEIH A NI

PHED Serchhip

SERCHHIPAH SWACHH BHARAT MISSIONS (GRAMEEN) LEH JAL JEEVAN MISSIONS REVIEW MEETING NEIH A NI

Dated Serchhip, the 5th July, 2023: Vawiin khan Serchhip DC Meeting Hall ah district chhunga Swachh Bharat Missions (Grameen) leh Jal Jeevan Missions hmalakna te thlirletna (Review Meeting) Pi Nazuk Kumar, District bawrhsap hova neih a ni.

Pi Nazuk Kumar chuan, PHE Serchhip Division ten Swachh Bharat Missions ah leh Jal Jeevan Missions ah tha takin hna an thawk tih kan hria a, a lawmawm hle a, kan district pawhin a hmingthatpui hle a ni, a ti a. An hmabak la awmte pawh tha taka thawk zui zel thei turin duhsakna a hlan a ni.

Er. Isaac Lalchhuanawma, EE, PHE, Serchhip WATSAN Division chuan report tlangpui a pe a. Jal Jeevan Missions hnuaiah hian kum 2019- 2020 action plan kha heng khaw sawm leh pariat: Sialsir, Hmunzawl, E. Thinglian, Khawlailung, Lungkawlh, Hriangtlang, Buangpui, Vanchengte, Chhingchhip, Chanin, Buhkangkawn, Hmuntha, Khawbel, Thentlang, Hmawngkawn, Baktawng, Phulmawi leh Phaibawk ah te thawh zawh an ni a, annual action plan 2020-21 hnuaiah heng khaw pasarih: Chekawn, Ngentiang, Rullam, Tuichang, E. Bungtlang, Neihloh leh Hualtu te thawh zawh an ni leh a, an zinga Hualtu tih loh te hi Functional Household Tap Water Connection nena tihfel vek an ni a, a hnuah Hualtu pawh hi tihfel zui leh a ni ta bawk. Heng khuate bakah hian khaw 21 dang te pawh tunah hian thawh mek a ni a, a tam zawkte hi thawh zawh tep tawh niin, an zinga khaw pakua hi Solar Pump hmanga thawh an ni. District chhunga JJM hmalakna khua 35 ah khaw 13 heng: Chekawn, Sialsir, Buhkangkawn, Chanin, Hualtu, Thentlang, Chhingchhip, Ngentiang, Rullam, Tuichang, E. Bungtlang, Neihloh leh Buangpui te chu tuilakna leh tui connection nei vek tawh khua, Har Ghar Jal Villages an ni tawh a ni.

Swachh Bharat Missions (Grameen/rural) hmalakna hnuaiah district chhunga chhungkaw tinten Individual Latrine an nei vek tawh a, thingtlang khua zawng zawngah Community Sanitary Complex leh Waste Collection Centre te din vek tawh an ni. Community Soak Pit hi E. Lungdar Block huam chhungah 47 sak zawh tawh niin Community Compost Pit 68 sak zawh tawh an ni a. Serchhip Block chhung khaw 24 ah Soak Pit 91 sak mek niin Community Compost Pit hi 125 sak an ni mek bawk a, hnate hi zaa sawmkua zawh tawh an ni. E. Lungdar Block a khaw 11 te chu ODF Plus ah puan tawh niin ODF Plus Block-ah puan zui a ni a,Serchhip RD Block a khaw 7 te chu ODF Plus khua a puan tawh bawk niin khaw 17 te chu ODF Plus khua a puan tumin hmalak mek a ni. Plastic Waste Management Centre hi Thenzawlah sak zawh tawh a ni a, Bailing Machine leh Twin Shaft Shredder te pawh bun fel tawh niin, electric connection buaipui mek a ni. Serchhip district hi Swatch Mahotsav 2019 ah khan Mizorama district fai pathum zingah thlan a ni a, Swachh Survekshan Grameen, 2019 ah khan North East States leh UT te inelnaah pahnihna lawmman pek niin World Toilet Awards, 2020 ah khan India ram puma chawimawina dawng district 20 zingah Serchhip district hi a tel ve nghe nghe a ni.

Vawiin meeting ah hian District Water and Sanitation Missions member te leh sawm bik official te an tel a ni.