‘Swachhata Hi Seva 2022’ Lawngtlai District-ah Hawnna hun neih a ni
Lawngtlai, the 15th September, 2022 : India ramin zalenna kan neih champhaphak vawi 75-na, ‘Azadi Ka Amrit Mahotsav’ lawmna kal zel ah ‘Swachha Hi Seva, 2022, Faina hi Rawngbawlna a ni’ tih thupui hmangin vawiin zing dar 7:00 AM khan Lawngtlai District chhung faina beihpui thlak bul tanna hun hman a ni a. He hun hi Areopagy, Lawngtlai Bazar ah hman niin, Er.Netralal Jaisi,EE PHED Lawngtlai kaihhruaina-in hman a ni a. Lawngtlai District hi District dangte nena khaikhin hian tehna hrang hrang ah kan hnufual bik niin a hriat theih tih a sawi a, kan in leh a vel a fai tawk lova, kan vantlang hmun pawh a fai hek lo. Faina chungchanga kan hnufualna hian nghawng tha lo tak a nei a, bawlhhlawh mumal taka thehthang loh anih avangin harsatna kan tawk mek bawka, plastic thehthang mai mai hian kan ram leilung leh lui tuite a ti bawlhhlawhin nungchate an rem mek a ni, a ti bawk.
He programme ah hian Pu Glory Lalropuia Chinzah, Executive Member, i/c Sanitation LADC chuan mipuite fuihna thuchah a sawi a. Faina chungchangah hian State Sorkar Department hrang hrang te, District Council lam thuneitute, tlawmngai pawl leh mipuite kan thawh ho a tul takzet tawh a ni a ti a, thangtharte rilru-ah faina atan kan mawhphurhna te tuh ngheh a tul avangin sikul naupang te pawh a tam thei ang ber inhnamhnawih tir te pawh a hun tawh hle a ni, a ti.He thu a sawi zawh hian Lawngtlai District Bawrhsap Pu Amol Srivastava, IAS chuan hawn a nih thu puangin Sikul naupang rally a vailiam nghal a ni.
He mi ni hian Lawngtlai District chhunga khua te, khawtlang tihfai hnatlang, Sikul in leh damdawi-in compound te tifai in hnatlang an thawk ve bawk ani. 15th September atanga 2nd October thleng hian District huam chhunga khaw awm zawng zawng ah hnatlang a tam thei ang bera thawh tum a ni bawk.
