“100 Days Campaign – Sustainability of ODF Gains and Achieving Million Soakpits” Mizoramah Hawn a ni

PMU PHED

Dt 25th August 2021 khan Deputy Chief Minister, PHE Department changtu Mininster ni bawk Pu Tawnluia chuan Swachh Bharat Mission – Grameen Phase-II hmalakna, 100 days campaign – “Sustainability of gains and achieving million soakpits”  tih chu ama chamber ah hawnna hun a hmang. He hun hi PHE Department leh line department dang RD leh LAD atangin hotu lu ten an hmanpui. Tin he campaign hi sorkar laipui programme niin, India ram state tinah campaign hawnna hi a rualin  ni 25th August 2021 ah khan hman  vek a ni.

Minister chuan “ Faina leh thianghlimna lamah India ramin nasa takin hma kan sawn a, Tunah hian Swachh Bharat Mission hmalakna-in India ram hi ODF (Pawnlera inthiar awm lohna) ram kan ni a, he ODF nihna hi vawnnun reng a nih theih nan leh faina leh thianghlimna kawnga kan ramin hma asawn zel theihna atan  ODF – Plus nih tumin ram pumah Swachh Bharat Mission – Phase II kal chhohpui leh mek a ni. Hei hi chak leh zuala  tihhlawhtlin a nih theih nan sorkar laipui chuan 100 days campaign –ni 100 chhung ram pumah ngawrh leh zuala hmalakna campaign neih a rel a. Hemi chhung hian heng kawngah hian hmalak tum a ni a

  • ● Tuichhia mumal taka tih ri ralna/sawngbawlna (Soakpit) tam thei ang ber siam.
  • ● Ek-in chhia leh thawmthat ngaite ngai pawimawh tur a inzirtirna beihpui thlak.
  • ● Indang thar/insa thar ten ekin an neih ngei ngei nan a inzirtirna beihpui thlak.
  • ● Khaw tinah Gram Sabha neiha, faina leh thianghlimna lama khaw dinhmun enfiah a, hmalak dan tha zawk te sawihona neih.

Mizoramin faina leh thianghlimna kawnga hma kan sawn zel nan he 100 days campaign hi tangkai takin hmang ang u” a ti a ni.

Campaign hawnna mai bakah hian PHE Department Yearbook – Jal Jeevan Mission (JJM) Mizoram 2020-2021 a release nghal bawk a ni. [Download: JJM Mizoram Year Book in PDF]