Pump Operator Training Serchhipah neih a ni.

@Tuikum
@Pump House Tuikum
@Buangpui Solar Pump
Closing Program

March ni 6-9 chhungin Project management Unit (PMU) Mizoram leh PHED, Serchhip WATSAN Division buatsaihin Jal Jeevan Mission (JJM) hnuaiah Pump Operator training neih a ni a. He training ah hian thingtlang khaw hrang hrang atangin mi 18 telin, training hi tluang takin an zo fel thei a ni.

            Training hi March ni 6, Thawhtanni atangin Tuikum Pump House, Serchhip ah neih tan a ni a, hetah hian Theory Class bakah Practical Class te neih pui a ni a. Zan lamah Group thum (3) ah then darhin Vertical Turbine Pump, Filter House leh Pump House-ah te duty tir an ni.

            March ni 8, Nilaini ah Buangpui khuaah Solar Pump zirtirna neihpui leh an ni a, hetah hiah Solar Pump in hna athawh dan leh a enkawl dan te Practical a neihpui leh an ni bawk.

            Training hi March ni 9, Ningani khan Er. Isaac Lalchhuanmawia, Executive Engineer in kharna hun a nei a, hetah hian training te hnenah Certificate bakah Multi-Bit Ratchet Screwdriver (Black & Decker) hlanna neih a ni bawk.

            Training hun chhung hian Er. Samuel LR Ralte, Sr. SDO bakah Biakzamvela Sailo, Sectional Officer, Albert Lalrinthanga, Sectional Officer leh Samuel Lallawmzuala, District Coordinator ten zirtirna an pe a ni.